தமிழகத்தில் பிளஸ் 2 தேர்வு முடிவு இன்று (வெள்ளிக்கிழமை) காலை 10 மணிக்கு வெளியிடப்பட்டது. மொத்த தேர்ச்சி விகிதம் 92.1%. கடந்த ஆண்டைவிட மொத்த தேர்ச்சி விகிதம் 0.7% அதிகரித்துள்ளது.



தமிழகத்தில் பிளஸ் 2 தேர்வு முடிவு இன்று (வெள்ளிக்கிழமை) காலை 10 மணிக்கு வெளியிடப்பட்டது. மொத்த தேர்ச்சி விகிதம் 92.1%. கடந்த ஆண்டைவிட மொத்த தேர்ச்சி விகிதம் 0.7% அதிகரித்துள்ளது.சென்னை நுங்கம்பாக்கத்தில் உள்ள தேர்வு துறை இயக்குநரகத்தில் அரசு தேர்வுத்துறை இயக்குநர் தண்.வசுந்தராதேவி, தேர்வு முடிவுகளை வெளியிட்டார். பிளஸ் 2 தேர்வில் மதிப்பெண் அடிப்படையில் இனி ரேங்க் பட்டியல் வெளியிடப்படாது என தமிழக அரசு நேற்று அறிவித்த நிலையில் முதன்முறையாக ரேங்க் பட்டியல் இல்லாத தேர்வு முடிவுகள் வெளியானது. பிளஸ் 2 தற்காலிக மதிப்பெண் சான்றிதழை வரும் 15-ம் தேதியிலிருந்து பெறலாம் என்று பள்ளிக் கல்வித்துறை அறிவித்துள்ளது. தேர்ச்சி விகிதம்: தமிழகத்தில் இந்த ஆண்டு ஒட்டுமொத்த தேர்ச்சி விகிதம் 92.1%. மாணவர்கள் தேர்ச்சி விகிதம் 89.3%. மாணவிகள் தேர்ச்சி விகிதம் 94.5%. இந்த ஆண்டும் மாணவர்களைவிட மாணவிகள் தேர்ச்சி விகிதம் அதிகமாக உள்ளது. மாணவியர் மாணவர்களைவிட 5.2% அதிகம் தேர்ச்சி பெற்றுள்ளனர்.

ஒட்டுமொத்த தேர்ச்சி விகிதம்

92.1%

மாணவர்கள் தேர்ச்சி விகிதம்

89.3%

மாணவிகள் தேர்ச்சி விகிதம்

94.5%

கடந்த ஆண்டுடன் ஒப்பீடு

0.7% தேர்ச்சி அதிகம்

தேர்வெழுதிய மூன்றாம் பாலினத்தவர் ஒருவரும் தேர்ச்சி பெற்றுள்ளார்.

பாடவாரியாக சென்டம் விவரம்:

பாடம்

200-க்கு 200 பெற்றவர்கள் எண்ணிக்கை

கணிதம்

3656

இயற்பியல்

187

வேதியியல்

1,123

கணினி அறிவியல்

1647

வணிகவியல்

8301 (அதிக அளவு முழுமதிப்பெண்)

உயிரியல்

221

தாவரவியல்

22

விலங்கியல்

4

புள்ளியியல்

68

மைக்ரோ பயாலஜி

5

கணக்கு பதிவியல்

5597

வணிக கணக்கு

2551

வரலாறு

336

பொருளாதாரம்

1717