‘நீட்’ உள்பட போட்டித் தேர்வுகளை எதிர்கொள்ள தமிழகம் முழுவதும் அரசு பள்ளி மாணவர்களுக்கு பயிற்சி வகுப்புகள் தொடங்கின


'நீட்' உள்பட போட்டித் தேர்வுகளை எதிர்கொள்ள தமிழகம் முழுவதும் அரசு பள்ளி மாணவர்களுக்கு பயிற்சி வகுப்புகள் தொடங்கின | நீட் உள்பட பல்வேறு போட்டித் தேர்வுகளை எதிர்கொள்வதற்காக அரசு பள்ளி மாணவர்களுக்கான இலவச பயிற்சி வகுப்புகள் தமிழகம் முழுவதும் நேற்று தொடங்கின. மருத்துவக் கல்விக்காக நீட் என்ற நுழைவுத் தேர்வை மத்திய அரசு நடத்துகிறது. இதை கொள்கை ரீதியாக தமிழக அரசு எதிர்த்தாலும், தமிழகத்தில் சட்டப்பூர்வமாக தடைசெய்ய முடியவில்லை. எனவே நீட் உள்பட எந்தவிதமான தேர்வையும் மாணவர்கள் எதிர்கொள்ளும் வகையில் அவர்களுக்கு பயிற்சி அளிப்பதற்காக 'ஸ்பீட்' என்ற நிறுவனத்துடன், தமிழக அரசு ஒப்பந்தம் மேற்கொண்டுள்ளது. இதன்படி, தமிழகத்தில் 412 மையங்கள் ஏற்படுத்தப்படும். அவற்றில் சனிக்கிழமை, ஞாயிற்றுக்கிழமைகளில் அரசு மற்றும் அரசு உதவி பெறும் பள்ளிகளைச் சேர்ந்த பிளஸ்-2 மாணவ, மாணவிகள் பங்கேற்று, போட்டித் தேர்வுகளுக்கான பயிற்சிகளைப் பெறமுடியும். இது தமிழக அரசு இலவசமாக நடத்தும் பயிற்சி வகுப்பாகும். இந்த போட்டித் தேர்வு பயிற்சி வகுப்புகளை முதல்-அமைச்சர் எடப்பாடி பழனிசாமி சமீபத்தில் தொடங்கி வைத்தார். அதைத்தொடர்ந்து நேற்று முதல் பயிற்சி வகுப்புகள் நடைமுறைக்கு வந்தன. தமிழகம் முழுவதும் ஏற்படுத்தப்பட்டுள்ள மையங்களுக்கு, சென்னை அரும்பாக்கம் பூந்தமல்லி நெடுஞ்சாலையில் உள்ள 'ஸ்பீட்' நிறுவனத்தில் இருந்து வீடியோ கான்பரன்சிங் மூலம் பயிற்சி அளிக்கும் திட்டம் தொடங்கியது. இந்த பயிற்சி, ஒவ்வொரு சனிக்கிழமை, ஞாயிற்றுக்கிழமைகளில் அந்தந்த மையங்களில் காலை 9 மணிக்கு தொடங்கி மாலை 5 மணி வரை ஒளிபரப்பப்படும். அந்த வகையில், சென்னை எம்.ஜி.ஆர்.நகர் அரசு மேல்நிலைப் பள்ளியில் அமைக்கப்பட்டுள்ள மையத்தில் காலையில் பயிற்சி வகுப்புகள் தொடங்கின. இதற்காக தனி வகுப்பறை ஏற்பாடு செய்யப்பட்டு உள்ளது. அதில் வீடியோ கான்பரன்சிங் மூலம் ஒளிபரப்பாகும் திரை வைக்கப்பட்டு இருந்தது. அந்த பள்ளி மாணவ, மாணவிகளோடு அருகில் உள்ள அரசு மற்றும் அரசு உதவிபெறும் பள்ளிகள், மாநகராட்சி பள்ளிகளைச் சேர்ந்த மாணவ, மாணவிகள் 100-க்கும் மேற்பட்டோர் வந்திருந்தனர். இயற்பியல், வேதியியல், உயிரியல் ஆகிய 3 பாடங்களில் பயிற்சி அளிக்கப்பட்டது. 'ஸ்பீட்' நிறுவனத்தில் இருந்து நிபுணர்கள் பாடவாரியாக பயிற்சி அளித்தனர். பயிற்சியின்போது அந்தந்த பள்ளியின் ஆசிரியர்கள் வந்திருந்தனர். பயிற்சி கொடுக்கும்போது இடையிடையே கேள்விகளை பயிற்சியாளர் கேட்டார். மையம் வாரியாக மாணவ, மாணவிகளிடம் அவர் பதிலை கேட்டார். பயிற்சியின்போது சந்தேகம் எழுந்தால், அதை 'ஸ்பீட்' நிறுவனத்துக்கு தெரிவிக்கும் வகையில், அந்த ஒளிபரப்பு உபகரணத்தில் பொத்தான் உள்ளது. அதை அழுத்தினால், எந்த மையத்தில் இருந்து சந்தேகம் கேட்கப்படுகிறது என்பதை 'ஸ்பீட்' நிறுவனத்தில் இருப்பவர்கள் அறிந்துகொள்வார்கள். பயிற்சியின்போது குறிப்பிட்ட கால இடைவெளியில் மாணவர்களுக்கு இடைவேளை விடப்பட்டது. எம்.ஜி.ஆர்.நகர் அரசு மேல்நிலைப்பள்ளியில் பயிற்சி மையம் செயல்படுவதை விருகம்பாக்கம் எம்.எல்.. விருகை ரவி பார்வையிட்டார். பயிற்சி பெறும் மாணவ-மாணவிகளுக்கு அரசு பயிற்சி கையேட்டை வழங்கினார். அவரை பள்ளியின் தலைமை ஆசிரியர் .சண்முகவேல் வரவேற்றார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

மாநில பாடத்திட்டம் நமது நாட்டில் உள்ள மற்ற பாடத்திட்டங்களுக்கு சளைத்தது அல்ல என்று போட்டித் தேர்வுகளுக்கான இலவச பயிற்சி வகுப்பைத் தொடங்கி வைத்து முதல்வர் கே.பழனிசாமி பெருமிதம்.


மாநில பாடத்திட்டம் நமது நாட்டில் உள்ள மற்ற பாடத்திட்டங்களுக்கு சளைத்தது அல்ல என்று போட்டித் தேர்வுகளுக்கான இலவச பயிற்சி வகுப்பைத் தொடங்கி வைத்து முதல்வர் கே.பழனிசாமி பெருமிதத்துடன் குறிப்பிட்டார். பிளஸ் 2 மாணவர்களுக்கு பல்வேறு போட்டித் தேர்வுகளை எதிர்கொள்ளும் வகையில் சிறப்பு பயிற்சி வகுப்புகள் பள்ளிக்கல்வித்துறை சார்பில் நடத்தப்படுகின்றன. இதன் தொடக்க விழா மற்றும் கையேடு வெளியீட்டு விழா நேற்று கலைவாணர் அரங்கில் நடந்தது. இதில், முதல்வர் கே.பழனிசாமி பங்கேற்று பயிற்சி வகுப்புகளை தொடங்கி வைத்தார். முதலில், எடப்பாடி மேனிலைப்பள்ளியில் உள்ள மாணவர்கள் பயிற்சி பெறுவதை, காணொலி காட்சி மூலம் கேட்டறிந்தார். அதன்பின், பள்ளி மாணவர்களுக்கு கையேட்டினை வழங்கினார். அப்போது முதல்வர் கே.பழனிசாமி பேசியதாவது: மாணவர்களின் அறிவுத்திறனை மெருகூட்டி அடுத்த கட்டத்துக்கு எடுத்துச்செல்லும் வகையில் பயிற்சி வகுப்பு தொடங்கப்பட்டுள்ளது. இதன் மூலம் அரசு, அரசு உதவி பெறும் பள்ளி மாணவர்கள் பயன்பெறுவர். இப்பயிற்சிக்காக இதுவரை 73 ஆயிரம் மாணவர்கள் பதிவுசெய்துள்ளனர். இத்திட்டம் இந்தஆண்டு பிளஸ் 2 மாணவர்களுக்கு அறிமுகப்படுத்தப்படுகிறது. ஒன்றியத்துக்கு ஒரு மையம் என்ற வகையில் தமிழகத்தில் 412 மையங்களில் இப்பயிற்சி அளிக்க திட்டமிடப்பட்டு பணிகள் நடந்து வருகின்றன. மாணவர்களிடம் இருந்து எவ்வித கட்டணமும் பெறாமல், பிளஸ் 2-க்கு பின் தொழில்சார் பட்டப்படிப்புகளி்ல் சேரவுள்ள மாணவர்களுக்கு இலவசமாக வழங்கப்படுகிறது. தமிழ் மற்றும் ஆங்கில மொழியில் எளிதாக புரிந்து கொள்ளும் வகையில் இப்பாடங்கள் நடத்தப்படும். 30 புத்தகங்கள் இதற்கான பாடப்பகுதிகள் மாணவர்களுக்கு 30 புத்தகங்களாக வழங்கப்படும். பள்ளிகளில் பெறும் கல்விச் செயல்பாடுகளில் எவ்வித தேக்கமும் அடையா வண்ணம், மாணவர்களுக்கு இப்பயிற்சி வகுப்புகள் காலை 9 முதல் மாலை 4 மணி வரை விடுமுறை நாட்களான சனிக்கிழமை மற்றும் ஞாயிற்றுக்கிழமைகளிலும் பொதுத்தேர்வு முடிந்தபின் தினமும் அதே நேரத்திலும் நடத்த திட்டமிடப்பட்டுள்ளது. மாநில பாடத்திட்டத்தில் படித்த மாணவர்கள், தேசிய அளவிலான போட்டித் தேர்வுகளில் வெற்றி பெற முடியுமா என்ற கேள்விகள் எழுகின்றன. தற்போதுள்ள நம் பாடத்திட்டம் நாட்டில் உள்ள எந்த ஒரு பாடத்திட்டத்துக்கும் சளைத்தது அல்ல. சிறந்த வல்லுநர்களைக் கொண்டு இப்பயிற்சி வழங்கப்படுவதால், வேறு எந்த பயிற்சியும் எடுத்துக் கொள்ள தேவையில்லை. வேறு எந்த செலவினமும் செய்ய வேண்டியதில்லை. மாணவர்களாகிய நீங்கள் எந்த நேரத்திலும் ஏன், எதற்கு, எப்படி, எங்கே, எப்போது, யாரால் என்ற கேள்விகளை உங்களுக்கு துணையாக அழைத்துச் செல்லுங்கள். உங்களை சறுக்கிவிழாமல் தாங்கிப்பிடிக்கும் தூண்களாக அவை செயல்படும். இவ்வாறு அவர் பேசினார். நிகழ்ச்சியில், துணை முதல்வர் .பன்னீர்செல்வம் பேசும்போது, 'மாணவர்கள் அறிவைத்தேட வேண்டும். கற்றோரை நாட வேண்டும். சிறந்த புத்தகங்களை தேடிப்பிடித்து படிக்க வேண்டும். அதனால் உங்கள் உலகம் புதிதாய்ப் பிறக்கும். கல்வி கேள்வியில் சிறந்தவர் என்பதால் மட்டுமே ஒருவரை உயர்ந்தவராக கருதிவிட முடியாது. அத்தகைய தகுதிகள் அவர்கள் ஒழுக்கத்தால் வருவது என்பதை மாணவ, மாணவியர் புரிந்து கொள்ள வேண்டும். ஆசிரியர்களும் மாணவர்களுக்கு உதவியாக இருக்க வேண்டும்'' என்றார். பள்ளிக்கல்வித்துறை அமைச்சர் கே..செங்கோட்டையன் பேசும்போது, 'ஸ்மார்ட் கார்டு, ஸ்மார்ட் வகுப்பறை என நாட்டில் எந்த மாநிலத்திலும் இல்லாத திட்டங்களை இந்த அரசு செயல்படுத்தி வருகிறது. மாணவர்களுக்கு மடிக்கணினி வழங்கப்பட வேண்டும் என்று முதல்வர், துணை முதல்வரிடம் தெரிவிக்கப்பட்டுள்ளது. இதன் மூலம் வீட்டிலிருந்தபடியே பயிற்சி பெறுவதற்கான வசதிகளும் ஏற்படுத்தப்படும்' என்றார். நிகழ்ச்சியில், திண்டுக்கல் சீனிவாசன் உள்ளிட்ட அமைச்சர்கள், நட்ராஜ் உள்ளிட்ட எம்எல்ஏக்கள், தலைமைச் செயலர் கிரிஜா வைத்தியநாதன், செயலர் பிரதீப்யாதவ், பள்ளிக்கல்வி இயக்குநர் இளங்கோவன் உள்ளிட்ட பல்வேறு பிரிவுகளின் இயக்குனர்கள் பங்கேற்றனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

HOLIDAY (06.11.17) DECLARED FOR SCHOOLS AND COLLEGES IN TN DUE TO HEAVY RAIN

 
HOLIDAY (06.11.17) DECLARED FOR SCHOOLS AND COLLEGES IN TN DUE TO HEAVY RAIN | கனமழை காரணமாக இன்று (06.11.17) சென்னை, திருவள்ளூர், காஞ்சிபுரம், விழுப்புரம், கடலூர், திருவண்ணாமலை, வேலூர், திருவாரூர், நாகை மாவட்ட பள்ளிகளுக்கு மட்டும் புதுச்சேரி, காரைக்காலுக்கும் விடுமுறை வழங்க உத்தரவிடப்பட்டுள்ளது. தனியார் பள்ளிகள்,மெட்ரிகுலேஷன்,சி.பி.எஸ்.., உள்ளிட்ட எந்த பள்ளிகளும் சிறப்பு வகுப்புகள் நடத்தக்கூடாது  

விரிவாக படிக்க இங்கே கிளிக் செய்யுங்கள் | READ MORE | CLICK HERE

நிலவேம்பு குடிநீர் கசாயம் வழங்குதல்


நிலவேம்பு குடிநீர் கசாயம் வழங்குதல் | தேவகோட்டை சேர்மன் மாணிக்க வாசகம் அரசு உதவி பெறும் நடுநிலைப் பள்ளியில் நகராட்சி சார்பில் தொடர்ந்து 5 நாட்கள் நிலவேம்புகுடிநீர் வழங் கும் விழாவின் துவக்க நிகழ்ச்சி நடைபெற்றது. நிகழ்ச்சியில் பள்ளி ஆசிரியை முத்துமீனாள் வரவேற்றார். பள்ளி தலைமை ஆசிரியர் லெ . சொக்கலிங்கம் மாணவர்களுக்கு நிலவேம்புகுடிநீ ர் கசாயத்தை மாணவர்களுக்கு வழங்கினார் . பள்ளி மாணவர்களுக்கு தொடர்ந்து 5 நாட்கள் தேவகோட்டை நகராட்சி சார்பில் நிலவேம்புகுடிநீர் வழங் க ஏற்பாடுகள் செய்துள்ளது.டெங்கு தடுப்பு முறைகள் தொடர்பாகவும் விளக்கப்பட்டது.பள்ளி மாணவர்கள் இளம் வயதிலேயே வரும் முன் காக்கும் வகையில் இந்த நிலவேம்பு குடிநீர்கசாயத்தை தொடர்ந்து சாப்பிட்டால் பல்வேறு முக்கிய நோய் பதிப்பில் இருந்து தங்களை பாதுகாத்து கொள்ளலாம்.மாணவர்கள் அனைவருக்கும்,ஆசிரியர்களுக்கும் நிலவேம்புகுடிநீர் வழங்கப்பட்ட து.நிறைவாக நிறைவாக ஆசிரியை செல்வமீனாள் நன்றி கூறினார். பட விளக்கம் ; தேவகோட்டை சேர்மன் மாணிக்க வாசகம் அரசு உதவி பெறும் நடுநிலைப் பள்ளியில் தலைமை ஆசிரியர் லெ.சொக்கலிங்கம் மாணவ,மாணவியர்க்கு நிலவேம்பு குடிநீர் கசாயம் வழங்கினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

New Version of Simple Calculator_7.3 | அரசு ஊழியர்கள் ஊதிய உயர்வுக்கான 7TH PAY SIMPLE CALCULATOR யை பதிவிறக்கம் செய்யுங்கள்.


New Version of Simple Calculator_7.3 | Special features: with 1. Entry page is separately now 2. Simplified for user friendly. 3. Two incentives are calculated yearwise now available. 4.old CCA,PP are automatically calculated. Plz upload this calculator. Thank you very much. Yours, M.Tamilarasan M.C.A.,B.Ed.,M.Phil., Computer Instructor, Govt. Boys Hr. Sec. School Mariammankoil, Tanjavur District-613 501. Cell: 98 43 47 0024. email: mtamilmca@yahoo.com DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

தட்டச்சு, சுருக்கெழுத்து தேர்வு முடிவு 23-ல் வெளியீடு


தட்டச்சு, சுருக்கெழுத்து தேர்வு முடிவு 23-ல் வெளியீடு | தமிழ்நாடு மாநில தொழில்நுட்பக் கல்வி ஆணையரும், தொழில்நுட்பத் தேர்வுகள் வாரியத்தின் தலைவருமான ஆர்.பழனிசாமி நேற்று வெளியிட்ட செய்திக்குறிப்பில் கூறியிருப்பதாவது:கடந்த ஆகஸ்ட் மாதம் நடைபெற்ற தட்டச்சு, சுருக்கெழுத்து (தமிழ் மற்றும் ஆங்கிலம்), மற்றும் கணக்கியல் தேர்வுகளின் முடிவுகள் 23-ம் தேதி (திங்கள்கிழமை) மதியம் 1 மணிக்கு வெளியிடப்படும். தேர்வர்கள் தொழில்நுட்பக் கல்வி இயக்ககத்தின் இணையதளத்தில் (www.tndte.gov.in) தேர்வு முடிவுகளை அறிந்துகொள்ளலாம்.இவ்வாறு அவர் தெரிவித்துள்ளார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

டிசம்பருக்குள் பள்ளிக் கல்வித்துறை முழுவதும் கணினி மயமாக்கப்படும்: பள்ளிக் கல்வித் துறை அமைச்சர் கே.ஏ.செங்கோட்டையன் தகவல்


டிசம்பருக்குள் பள்ளிக் கல்வித்துறை முழுவதும் கணினி மயமாக்கப்படும்: பள்ளிக் கல்வித் துறை அமைச்சர் கே..செங்கோட்டையன் தகவல் | டிசம்பர் மாதத்திற்குள் பள்ளிக் கல்வித் துறை முழுவதும் கணினிமயமாக்கப்படும் என்று அமைச்சர் கே..செங்கோட்டையன் கூறினார். திருச்செந்தூர் அறிவியல் பூங்கா திறப்பு விழா வெள்ளிக்கிழமை நடைபெற்றது.அமைச்சர் கே..செங்கோட்டையன் பேசியதாவது: மாணவர்கள் பொதுவாக மருத்துவம், ஆட்சிப் பணி, பொறியியல், வேளாண்மை மற்றும் கால்நடை உள்ளிட்ட பாடத் திட்டங்களையே பெரும்பாலும் பயின்று வருகின்றனர். ஆனால் மாணவர்கள் இது போன்றுள்ள 246 பாடத் திட்டங்களையும் பயின்றால் வேலையில்லாத் திண்டாட்டம் ஒழியும். மேலும் தற்போதுள்ள பாடத் திட்டத்திற்கேற்ப, 9, 10, 11, 12-ம் வகுப்பு மாணவர்கள் பயன்பெறும் வகையில் ரூ. 483 கோடியில் தமிழகம் முழுவதும் 412 பயிற்சி மையங்கள் ஏற்படுத்தப்பட உள்ளது. கடந்த தேர்வில் ரேங்க் சிஸ்டம் கொண்டுவரப்பட்டது.பொதுத் தேர்வு முடிவுகளை குறுஞ்செய்தி மூலம் மாணவர்களுக்கு உடனடியாக அனுப்பும் முறை, இந்தியாவிலேயே தமிழகத்தில் தான் நடைமுறைக்கு வந்தது. பள்ளிக் கல்வித் துறை சார்பில், அரசு மற்றும் தனியார் பள்ளி மாணவர்களுக்கு ஸ்மார்ட் கார்டு வழங்கப்பட உள்ளது. அந்த ஸ்மார்ட் கார்டுடன், மாணவர்களின் ஆதார் எண், முகவரி, ரத்த வகை இணைக்கப்பட உள்ளது. இதன் மூலம் மாணவர்களுக்கு ஏற்படும் பேரிடர்கள் போது, காப்பீடுத் திட்டத்தின் மூலம் 48 மணி நேரத்துக்குள் உரிய இழப்பீடு வழங்கப்படும். அது போல வரும் டிசம்பருக்குள் பள்ளிக் கல்வித் துறை முழுவதும் கணினி மயமாக்கப்படும்.இடைநிலை மற்றும் பட்டதாரி ஆசிரியர்களுக்கான காலியிடங்களுக்கு 2013இல் டெட் தேர்வு எழுதி தேர்ச்சியடைந்தவர்களுக்கு விரைவில் வேலை வழங்க நடவடிக்கை எடுக்கப்பட்டு வருகிறது. தேவைப்பட்டால் ஆசிரியர் பணியிடங்களுக்கு ரூ.7500 தொகுப்பு ஊதியத்திலும் கூடுதலான ஆசிரியர்கள் நியமிக்கப்படுவார்கள் என்றார் செங்கோட்டையன்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழக அரசு ஊழியர்களின் ஊதியத்தை உயர்த்துவதற்கான அதிகாரப்பூர்வ அறிவிப்பை வெளிட்டார் முதலமைச்சர் பழனிசாமி. விரிவான விவரங்கள்.


தமிழக அரசு ஊழியர்களின் ஊதியத்தை உயர்த்துவதற்கான அதிகாரப்பூர்வ அறிவிப்பை  வெளிட்டார் முதலமைச்சர் பழனிசாமி. தமிழக அரசு ஊழியர்களின் குறைந்தபட்ச ஊதியம் ரூ.6,100இல் இருந்து 15,700 ஆக உயர்வு. தமிழக அரசு ஊழியர்கள் ஓய்வு பெறும் போது வழங்கப்படும் பணிக்கொடைக்கான வரம்பு ரூ.10 லட்சத்தில் இருந்து ரூ.20 லட்சமாக உயர்வு.7வது ஊதிய குழு பரிந்துரைகள் - 1.10.2017 தேதி முதல் பணப்பயனுடன் அமல்படுத்தப்படும் - முதலமைச்சர் அறிவிப்பு : மத்திய ஊதிய குழு திருத்திய ஊதிய விகிதங்களை செயல்படுத்தும் பொழுதெல்லாம், தமிழ்நாடு அரசும் அதே ஊதிய விகிதங்களை மாநில அரசு அலுவலர்கள் மற்றும் ஆசிரியர்களுக்கு அறிவித்து வந்துள்ளது. அதே போல், ஒவ்வொரு முறையும் மத்திய அரசு அகவிலைப்படியை உயர்த்தும் போது, உடனுக்குடன் மாநில அரசும் உயர்த்திய அகவிலைப்படியை வழங்கி வருகிறது. மாண்புமிகு புரட்சித் தலைவி அம்மா அவர்களின் வழிகாட்டுதலில் செயல்படும் தமிழ்நாடு அரசு, மத்திய அரசின் ஏழாவது ஊதியக்குழு பரிந்துரைத்துள்ள ஊதிய விகிதங்களின் அடிப்படையில், மாநில அரசின் அலுவலர்கள், ஆசிரியர்கள் மற்றும் உள்ளாட்சி நிறுவனங்களில் பணியாற்றும் அலுவலர்களுக்கு ஊதிய விகிதத்தை உயர்த்தி வழங்குவது குறித்து தக்க பரிந்துரைகளை தமிழ்நாடு அரசுக்கு அளித்திட 'அலுவலர் குழு' 2017-ஐ அமைத்தது. அதன்படி, அலுவலர் குழு ஆய்வுகள் மேற்கொண்டு தனது பரிந்துரைகளை 27.9.2017 அன்று தமிழ்நாடு அரசுக்கு சமர்ப்பித்தது. இதுவரை தமிழ்நாடு அரசால் அமைக்கப்பட்ட அலுவலர் குழுக்கள் எடுத்துக் கொண்ட கால அளவை விட, இம்முறை அமைத்த அலுவலர் குழு தான் மிகக் குறைந்த கால அவகாசத்தில் அறிக்கை அளித்து, ஊதிய விகிதங்களில் மாற்றங்களை விரைவாக கொண்டு வர வழி வகுத்துள்ளது. இப்பரிந்துரைகளை தமிழ்நாடு அரசு விரிவாக ஆய்வு செய்து, இன்று (11.10.2017) எனது தலைமையில் நடைபெற்ற அமைச்சரவை கூட்டத்தில் அதனை முழுமையாக ஏற்றுக்கொண்டு, அவற்றை செயல்படுத்துவதற்கான அரசாணைகளை உடனடியாக பிறப்பிக்க உத்தரவிட்டுள்ளேன்.  DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு ஊழியர்களின் 7-வது ஊதியக்குழு தொடர்பாக விவாதிக்க தமிழக அமைச்சரவைக் கூட்டம், முதல்வர் பழனிசாமி தலைமையில் இன்று காலை நடக்கிறது | 7-வது ஊழியக் குழு அரசாணை இன்றே வெளியாக வாய்ப்பு.


தமிழக அமைச்சரவை இன்று கூடுகிறது | அரசு ஊழியர்களின் 7-வது ஊதியக்குழு பரிந்துரைகள் தொடர்பாக விவாதிக்க தமிழக அமைச்சரவைக் கூட்டம், முதல்வர் பழனிசாமி தலைமையில் இன்று காலை நடக்கிறது. அமைச்சரவை மாற்றத்துக்குப் பிறகு நடக்கும் முதல் கூட்டம் இதுவாகும். இக்கூட்டத்தில், அரசு ஊழியர்கள், ஆசிரியர்களுக்கான 7-வது ஊதியக்குழு பரிந்துரைகள் குறித்து அமைக்கப்பட்ட வல்லுனர் குழுவின் அறிக்கை குறித்து விவாதிக்கப்படுகிறது. இதன் அடிப்படையில் ஊதிய உயர்வு அளிப்பது குறித்து அமைச்சரவையில் இறுதி செய்யப்பட்டு, ஒப்புதல் அளிக்கப்படும் என தெரிகிறது. மத்திய அரசு ஊழியர்களுக்கு வழங்கப்பட்ட 7-வது சம்பள உயர்வு தமிழக அரசு ஊழியர்கள், ஆசிரியர்களுக்கும் வழங்கும் வகையில் ஊதியக்குழு ஒன்று அமைக்கப்பட்டது. அதன் தலைவரான சண்முகம் கடந்த மாதம் 27-ந்தேதி ஊதியக்குழு பரிந்துரைகளை முதல்-அமைச்சர் எடப்பாடி பழனிசாமியிடம் வழங்கினார். குழுவின் பரிந்துரைகளை அரசாணைகளாக வெளியிடும் பணிகள் நிதித்துறையில் தீவிரமாக நடைப்பெற்று வருகிறது. பரிந்துரைகளை ஏற்பது தொடர்பான கூட்டம் தலைமை செயலகத்தில் இன்று நடக்கிறது. முதல்-அமைச்சருடன் நடைபெறும் இந்த கூட்டத்தில் முக்கிய அமைச்சர்கள், நிதித்துறை செயலாளர் மற்றும் அதிகாரிகள் கலந்து கொண்டு ஊதிய உயர்வு அளிப்பது குறித்து விளக்கி கூறுகிறார்கள். அதனை தொடர்ந்து நடக்கும் அமைச்சரவை கூட்டத்தில் 7-வது ஊழியக் குழுவின் பரிந்துரைகளை நிறைவேற்றுவதற்கு ஒப்புதல் அளிக்கப்படும் என்று எதிர்பார்க்கப்படுகிறது. அதற்கு ஒப்புதல் அளிக்கும்பட்சத்தில் அதற்கான அரசாணை இன்றே வெளியாக வாய்ப்பு உள்ளது. இதன் மூலம் அரசு ஊழியர்களுக்கு 20 முதல் 25 சதவீதம் அளவில் சம்பள உயர்வு இருக்கும் என்று தலைமை செயலக வட்டாரங்கள் தெரிவிக்கின்றன. மேலும் 1-7-2017 முதல் நிலுவை தொகையை வழங்க முடிவு செய்ய இருப்பதாக கூறப்படுகிறது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

MARK REGISTER AND AUTO RANK GENERATOR FOR ALL CLASSES 6-12 DOWNLOAD | CREATED BY M.SENTHIL KUMAR B.T MATHS PUMS U.S.PATTI, NARIKUDI UNION VIRUDHUNAGAR DT CELL : 9843888479

MARK REGISTER AND AUTO RANK GENERATOR FOR ALL CLASSES 6-12 DOWNLOAD | CREATED BY M.SENTHIL KUMAR B.T MATHS PUMS U.S.PATTI, NARIKUDI UNION VIRUDHUNAGAR DT CELL : 9843888479

MARK REGISTER AND AUTO RANK GENERATOR FOR ALL CLASSES 6-12 DOWNLOAD | CREATED BY M.SENTHIL KUMAR B.T MATHS PUMS U.S.PATTI, NARIKUDI UNION VIRUDHUNAGAR DT CELL : 9843888479  DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழகத்தில் நடந்த ‘நீட்’ தேர்வு போராட்டம் பற்றிய வழக்கை சுப்ரீம் கோர்ட்டு முடித்து வைப்பு.


தமிழகத்தில் நடந்த 'நீட்' தேர்வு போராட்டம் பற்றிய வழக்கை சுப்ரீம் கோர்ட்டு முடித்து வைத்தது | தமிழகத்தில் 'நீட்' தேர்வுக்கு எதிரான போராட்டங்களுக்கு தடை கோரும் வழக்கின் மீது தமிழக அரசு பிரமாண பத்திரம் தாக்கல் செய்தது. இதைத்தொடர்ந்து இந்த வழக்கை சுப்ரீம் கோர்ட்டு முடித்து வைத்தது. தமிழ்நாட்டில் 'நீட்' தேர்வுக்கு எதிராக நடைபெறும் போராட்டங்கள் தொடர்பாக வக்கீல் ஜி.எஸ்.மணி சுப்ரீம் கோர்ட்டில் தாக்கல் செய்த பொதுநல மனுவில், 'மாணவி அனிதா தற்கொலை செய்து கொண்டது குறித்து ஓய்வுபெற்ற சென்னை ஐகோர்ட்டு நீதிபதி ஒருவரின் தலைமையில் நீதி விசாரணை நடத்த உத்தரவிட வேண்டும். தமிழ்நாட்டில் சட்டம் ஒழுங்கை பாதுகாக்கவேண்டும். சட்ட விரோதமான போராட்டங்களுக்கு தடை விதிக்க வேண்டும்' என்று கூறி இருந்தார். இந்த வழக்கு கடந்த மாதம் 18-ந்தேதி தலைமை நீதிபதி தீபக் மிஸ்ரா, நீதிபதிகள் ஏஎம்.கன்வில்கர், டி.ஒய்.சந்திரசூட் ஆகியோர் அடங்கிய அமர்வு முன்பு விசாரணைக்கு வந்தபோது, கோர்ட்டு உத்தரவின்படி தமிழக அரசின் அட்வகேட் ஜெனரல் விஜய் நாராயணன் ஆஜர் ஆகி, இந்த போராட்டங்கள் தொடர்பாக தமிழக அரசு எடுத்து வரும் நடவடிக்கைகள் குறித்து விளக்கம் அளித்தார். பிரமாண பத்திரம் இதைத்தொடர்ந்து நீதிபதிகள், தமிழ்நாட்டில் போராட்டங்கள் தொடர்பாக எடுக்கப்பட்ட நடவடிக்கைகள் மற்றும் சட்டம்-ஒழுங்கு நிலைமை தொடர்பான விளக்கத்தை பிரமாண பத்திரம் மூலம் தலைமைச் செயலாளர் 2 வாரத்துக்குள் தாக்கல் செய்யவேண்டும் என்று உத்தரவு பிறப்பித்தனர். நேற்று இந்த வழக்கு மீண்டும் சுப்ரீம் கோர்ட்டில் தலைமை நீதிபதி தீபக் மிஸ்ரா தலைமையிலான அமர்வு முன்பு விசாரணைக்கு வந்தது. அப்போது, தமிழக அரசின் தலைமை செயலாளர் தரப்பில் கோர்ட்டில் பிரமாண பத்திரம் தாக்கல் செய்யப்பட்டது. அதில், சுப்ரீம் கோர்ட்டு பிறப்பித்த இடைக்கால உத்தரவுக்கு இணங்க, தமிழ்நாட்டில் சட்டம் ஒழுங்கை சீர்குலைக்கும் வகையில் நீட் தொடர்பான எந்த போராட்டத்துக்கும் அனுமதி வழங்கவில்லை என்றும் தற்போது தமிழகத்தில் சட்டம் மற்றும் ஒழுங்கு சீராக கட்டுப்பாட்டில் உள்ளது எனவும் கூறப்பட்டு இருந்தது. இதையடுத்து, நீதிபதிகள் தமிழக அரசின் பிரமாண பத்திரத்தை ஏற்றுக்கொள்வதாக அறிவித்து வழக்கை முடித்துவைத்து உத்தரவிட்டனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

முதல்-அமைச்சர் எடப்பாடி பழனிசாமி தலைமையில் நாளை தமிழக அமைச்சரவை கூட்டம் | 7-வது ஊதியக் குழுவின் பரிந்துரைகள் அமல்படுத்தும் அம்சங்களுக்கான ஒப்புதலை அமைச்சரவை அளிக்கும் என தகவல்


முதல்-அமைச்சர் எடப்பாடி பழனிசாமி தலைமையில் நாளை தமிழக அமைச்சரவை கூட்டம் | 7-வது ஊதியக் குழுவின் பரிந்துரைகள் அமல்படுத்தும் அம்சங்களுக்கான ஒப்புதலை அமைச்சரவை அளிக்கும் என தகவல்  | முதல்-அமைச்சர் எடப்பாடி பழனிசாமி தலைமையில் நாளை காலை அமைச்சரவை கூட்டம் நடக்கிறது. அரசியல் குழப்பம் ஆளும் கட்சியான அ.தி.மு.க.வில் பிளவு ஏற்பட்டிருந்த நிலையில், முதல்-அமைச்சர் எடப்பாடி பழனிசாமி அணியும், ஓ.பன்னீர்செல்வம் அணியும் சில மாதங்களுக்கு முன்பு இணைந்தன. அதைத் தொடர்ந்து ஓ.பன்னீர்செல்வம் துணை முதல்-அமைச்சராகவும், தமிழ் வளர்ச்சித்துறை அமைச்சராக பாண்டியராஜனும் தமிழக அரசின் அமைச்சரவையில் சேர்க்கப்பட்டனர். தமிழகத்தில் அரசியல் சூறாவளி வீசிவரும் சூழ்நிலையில், அரசின் மீது பல்வேறு ஊழல் குற்றச்சாட்டுகள் அடுக்கப்பட்டு வருகின்றன. அரசை தி.மு.க. மற்றும் டி.டி.வி.தினகரன் அணியினர் கடுமையாக எதிர்த்து வருகின்றனர். இதற்கிடையே அரசியல்ரீதியாக அமைச்சர்கள் சிலர் தெரிவிக்கும் கருத்துகளும், யார்-யார்? எந்த அணி என்ற குழப்பத்தை உருவாக்கிவிடு கிறது. 7-வது ஊதியக்குழு இந்த சூழ்நிலையில் தமிழக அமைச்சரவை கூட்டம் நாளை (புதன்கிழமை) காலை 11.15 மணியளவில் முதல்-அமைச்சர் எடப்பாடி பழனிசாமி தலைமையில் கூடுகிறது. துணை முதல்-அமைச்சர் ஓ.பன்னீர்செல்வம், அமைச்சர் பாண்டியராஜன் சேர்க்கப்பட்ட பிறகு நடக்கும் முதல் அமைச்சரவை கூட்டம் இதுவாகும். அரசியல் பரபரப்பு நிலவும் இந்த சூழ்நிலையில் கூடும் அமைச்சரவை கூட்டத்தில், மத்திய 7-வது ஊதியக் குழுவின் பரிந்துரைகள் மற்றும் அது தொடர்பாக அலுவலர் குழு அளித்த பரிந்துரைகள் ஆகியவை குறித்து ஆலோசிக்கப்படுகிறது. அந்த பரிந்துரைகளை தமிழக அரசு ஊழியர்களுக்கு அமல்படுத்துவது தொடர்பாக இந்த அமைச்சரவை கூட்டத்தில் முடிவெடுக்கப்படுவதாக தலைமைச் செயலக வட்டாரம் தெரிவித்தது. அறிவிப்பு அலுவலர் குழுவின் பரிந்துரைகளில் அமல்படுத்தும் அம்சங்களுக்கான ஒப்புதலை நாளை கூடும் அமைச்சரவை அளிக்கும் என்று நம்பப்படுகிறது. அந்த வகையில், ஒப்புதல் பெற்ற பரிந்துரைகள் அனைத்தும் முதல்-அமைச்சரால் உடனடியாக அறிவிக்கப்படும் என்று கூறப்படுகிறது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

DIPLOMA IN NURSING ADMISSION NOTIFICATION | 2017-2018 ஆம் ஆண்டிற்கான செவிலியர் பட்டயப்படிப்பிற்கான சேர்க்கை அறிவிப்பு வெளியிடப்பட்டுள்ளது. விண்ணப்ப விநியோகம் தொடங்க உள்ள நாள் 11.10.2017


DIPLOMA IN NURSING ADMISSION NOTIFICATION | 2017-2018 ஆம் ஆண்டிற்கான செவிலியர் பட்டயப்படிப்பிற்கான சேர்க்கை அறிவிப்பு வெளியிடப்பட்டுள்ளது. விண்ணப்ப விநியோகம் தொடங்க உள்ள  நாள் 11.10.2017 |  விண்ணப்பம் பெற கடைசி நாள் 21.10.2017 | விண்ணப்பிக்க கடைசி நாள் 23.10.2017 | http://www.tnhealth.org/ | http://www.tnmedicalselection.org/ DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு உதவி பெறும் பள்ளிகளில் தகுதித்தேர்வில் தேர்ச்சி பெற்றவர்களை மட்டுமே பட்டதாரி ஆசிரியர்களாக நியமிக்க வேண்டும் - பள்ளிக்கல்வி இயக்குநர் உத்தரவு



அரசு உதவி பெறும் பள்ளிகளில் தகுதித்தேர்வில் தேர்ச்சி பெற்றவர்களை மட்டுமே பட்டதாரி ஆசிரியர்களாக நியமிக்க வேண்டும் தனியார் பள்ளி நிர்வாகங்களுக்கு பள்ளிக்கல்வி இயக்குநர் உத்தரவு அரசு உதவி பெறும் பள்ளிகளில் தகுதித்தேர்வில் தேர்ச்சி பெற்றவர்களை மட்டுமே பட்டதாரி ஆசிரியர்களாக நியமிக்க வேண்டும் என்று தனி்யார் பள்ளி நிர்வாகங்களுக்கு பள்ளி இயக்குநர் ஆர்.இளங்கோவன் உத்தரவிட்டுள்ளார். இதுதொடர்பாக மாவட்ட முதன்மை கல்வி அதிகாரிகள் மற்றும் மாவட்ட கல்வி அதிகாரிகளுக்கு அவர் அனுப்பியுள்ள ஒரு சுற்றறிக்கை: மத்திய அரசின் இலவச கட்டாய கல்வி உரிமைச் சட்டத்தின்படி, அரசு உதவி பெறும் சி்றுபான்மை மற்றும் சிறுபான்மை அல்லாத உயர்நிலை, மேல்நிலைப்பள்ளிகளில், ஆசிரியர் தகுதித்தேர்வில் (டெட்) தேர்ச்சி பெற்றவர்களைக்கொண்டு பட்டதாரி ஆசிரியர் பணியிடங்களை நிரப்ப வேண்டும். ஆனால், அரசு உதவி பெறும் சிறுபான்மை பள்ளிகளில், ஆசிரியர் நியமனத்துக்கு தகுதித்தேர்வு கட்டாயமில்லை என்று நீதி்மன்றத்தால் தெரிவிக்கப்பட்டுள்ளது. மத்திய மனிதவள மேம்பாட்டு அமைச்சகத்தால் ஆசிரியர்களுக்கு குறைந்தபட்ச கல்வித்தகுதி நிர்ணயிக்கப்பட்ட நாளான 23.8.2010-க்குப் பிறகு அரசு உதவி பெறும் பள்ளிகள் மற்றும் தனியார் சுயநிதி பள்ளிகளில் டெட் தேர்ச்சி பெற்ற ஆசிரியர்களைக் கொண்டே ஆசிரியர் நியமனம் நடைபெற வேண்டும். அரசு உதவி பெறும் உயர்நிலை, மேல்நிலைப்பள்ளிகளில் புதிதாக நியமிக்கப்படும் அனைத்து பட்டதாரி ஆசிரியர்களும் டெட் தேர்ச்சி பெற்றிருக்க வேண்டும். தனியார் சுயநிதி பள்ளிகளுக்கும் இந்த விதிமுறை பொருந்தும். எனவே, கல்வித்துறை அதிகாரிகள் பள்ளிகளில் ஆய்வு மேற்கொள்ளும்போது, டெட் தேர்ச்சி பெற்றவர்களைக் கொண்டு பட்டதா்ரி ஆசிரியர் பணியிடங்கள் நிரப்பப்பட்டுள்ளதா என்பதை ஆய்வுசெய்து உறுதிபடுத்த வேண்டும். மேலும், கடந்த ஆகஸ்டு 10-ம் தேதியிட்ட மத்திய அரசிதழில் (கெஜட்) சிறுபான்மை அல்லாத பள்ளிகளில் 31.3.2015-க்கு முன்பு நியமிக்கப்பட்ட ஆசிரியர்கள் 4 ஆண்டுகளுக்குள் அதாவது 31.3.2019-க்குள் டெட் தேர்ச்சி பெற வேண்டும் என்று தெரிவிக்கப்பட்டுள்ளது. எனவே, அரசு உதவி பெறும் பள்ளிகள் மற்றும் தனியார் சுயநிதி பள்ளிகளில் டெ தேர்ச்சிபெற்றவர்களையே ஆசிரியர்களாக நியமிக்க வேண்டும். 

விரிவாக படிக்க இங்கே கிளிக் செய்யுங்கள் | READ MORE | CLICK HERE

நர்சிங், பிபார்ம் முதல்கட்ட கலந்தாய்வு நிறைவு அரசு மருத்துவக் கல்லூரிகளில் அனைத்து இடங்களும் நிரம்பின


நர்சிங், பிபார்ம் முதல்கட்ட கலந்தாய்வு நிறைவு அரசு மருத்துவக் கல்லூரிகளில் அனைத்து இடங்களும் நிரம்பின | பிஎஸ்சி நர்சிங், பிபார்ம் உள்ளிட்ட 9 பட்டப் படிப்புகளுக்கான முதல்கட்ட கலந்தாய்வு முடிந்தது. அரசு மருத்துவக் கல்லூரிகளில் அனைத்து இடங்களும் நிரம்பின. தனியார் மருத்துவக் கல்லூரிகளில் 796 இடங்கள் நிரம்பவில்லை. தமிழகத்தில் அரசு, தனியார் கல்லூரிகளில் மருத்துவம் சார்ந்த பட்டப் படிப்புகளான பிஎஸ்சி நர்சிங், பிபார்ம், பிபிடி, பிஏஎஸ்எல்பி (செவித்திறன், பேச்சு மற்றும் மொழி நோய் குறியியல்), பிஎஸ்சி ரேடியாலஜி மற்றும் இமேஜிங் டெக்னாலஜி, பிஎஸ்சி ரேடியோதெரபி டெக்னாலஜி, பிஎஸ்சி கார்டியோ பல்மோனரி பெர்பியூசன் டெக்னாலஜி, பி.ஆப்டம், பிஓடி ஆகிய 9 பட்டப் படிப்புகள் உள்ளன. 16 அரசு மருத்துவக் கல்லூரிகளில் 538 இடங்கள் மற்றும் தனியார் மருத்துவக் கல்லூரிகளில் 7,843 இடங்கள் உள்ளன. தனியார் கல்லூரிகளில் காலியிடம் இந்தப் படிப்புகளுக்கு 2017-18 கல்வி ஆண்டில் மாணவர் சேர்க்கைக்கான கலந்தாய்வு கடந்த மாதம் 19-ம் தேதி தொடங்கி நடைபெற்று வந்தது. நேற்று நடந்த கடைசி நாள் கலந்தாய்வில் 230 மாணவர்கள் கல்லூரிகளில் சேர்வதற்கான அனுமதி கடிதத்தை பெற்றனர். முதல்கட்ட கலந்தாய்வின் முடிவில் அரசு மருத்துவக் கல்லூரிகளில் 538 இடங்களும் நிரம்பின. தனியார் மருத்துவக் கல்லூரிகளில் 7,843 இடங்களில் 7,047 இடங்கள் நிரம்பின. தனியார் மருத்துவக் கல்லூரிகளில் 796 இடங்கள் காலியாக உள்ளன. விரைவில் 2-ம் கட்டம் இது தொடர்பாக மருத்துவ மாணவர் சேர்க்கை தேர்வுக்குழு செயலாளர் ஜி.செல்வராஜிடம் கேட்டபோது, "முதல் கட்ட கலந்தாய்வு முடிவடைந்துள்ளது. இரண்டாம் கட்ட கலந்தாய்வு தொடங்கும் தேதி விரைவில் அறிவிக்கப்படும். 2-ம் கட்ட கலந்தாய்வில் தனியார் மருத்துவக் கல்லூரிகளில் காலியாக உள்ள 796 இடங்கள் நிரப்பப்படும்" என்று தெரிவித்தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழக அரசு ஊழியர், ஆசிரியர்களுக்கு, 20 சதவீதம் ஊதிய உயர்வு வழங்க, தமிழக அரசு முடிவு செய்துள்ளதாக தகவல் வெளியாகி உள்ளது.


அரசு ஊழியருக்கு 20 சதவீத சம்பள உயர்வு? தமிழக அரசு ஊழியர், ஆசிரியர்களுக்கு, 20 சதவீதம் ஊதிய உயர்வு வழங்க, தமிழக அரசு முடிவு செய்துள்ளதாக தகவல் வெளியாகி உள்ளது. இதற்கான அறிவிப்பு, தீபாவளிக்கு முன் வெளியாகும் என எதிர்பார்க்கப்படுகிறது.  கடந்த ஆண்டு, சட்டசபை தேர்தலின்போது, 'மத்திய அரசு ஊழியர்களுக்கான ஏழாவது ஊதியக்குழு பரிந்துரை அமல்படுத்தப் பட்டதும்,தமிழக அரசுஊழியர்களுக்கும் மாற்றி அமைக்க நடவடிக்கைகள் எடுக்கப்படும்' என, ஜெயலலிதா அறிவித்தார். அதன்படி பிப்., 22ல் ஊதிய விகிதங்களை மாற்றி அமைக்க அலுவலர் குழு அமைத்து, முதல்வர் பழனிசாமி உத்தரவிட்டார்.குழு அறிக்கை அடிப்படையில், அரசு ஊழியர், ஆசிரியர்களுக்கு 20 சதவீதம் சம்பள உயர்வு வழங்க, அரசுமுடிவு செய்துள்ளது. இதற்கான அரசாணை அடுத்த வாரம் வெளியாகும் எனஎதிர்பார்க்கப்படுகிறது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளிகளில் மரம் வளர்க்கும் மாணவர்களுக்கு 5 மதிப்பெண் அமைச்சர் செங்கோட்டையன் தகவல்



பள்ளிகளில் மரம் வளர்க்கும் மாணவர்களுக்கு 5 மதிப்பெண் அமைச்சர் செங்கோட்டையன் தகவல் | பள்ளிகளில் 2 வருடம் மரம் வளர்க்கும் மாணவர்களுக்கு 5 மதிப்பெண் வழங்கப்படும் என்று அமைச்சர் கே.ஏ.செங்கோட்டையன் தெரிவித்தார். பள்ளிக்கல்வித்துறை அமைச்சர் கே.ஏ.செங்கோட்டையன் நேற்று சென்னையில் நிருபர்களிடம் கூறியதாவது:- புதிய பாடத்திட்டம் புதிய பாடத்திட்டத்திற் கான வரைவு அடுத்த மாதம் (நவம்பர்) இணையதளத்தில் வெளியிடப்படும். அதன் பிறகு பாடத்திட்டத்தின் மீது கருத்துகளை 15 நாட்களுக்குள் தெரிவிக்க வேண்டும். வேலைவாய்ப்பை உருவாக்கும் வகையில் பாடத்திட்டம் மாற்றப்படுகிறது. 500 பள்ளிகளில் எஸ்.எஸ்.எல்.சி., 11 மற்றும் 12-ம் வகுப்புகளில் படிக்கும் மாணவர்களுக்கு வினா- விடைகள், வரைபடத்துடன் பயிற்சி அளிக்கப்பட உள்ளது. முதலில் 3 ஆயிரம் பள்ளிகளில் 'ஸ்மார்ட் வகுப்புகள்' அடுத்த மாதத்துக்குள் தொடங்கப்படும். பள்ளிக்கல்வித் துறையில் பல மாற்றங்கள் கொண்டுவரப்பட்டுள்ளது. அனைத்து பள்ளிகளும் கம்ப்யூட்டர் மயமாக்கப்படும். மரம் வளர்த்தால் 5 மதிப்பெண் ஒரு மாணவர் 5 மரங்கள் வீதம் 1 கோடி மாணவர்கள் மரக்கன்றுகளை நட்டால் 5 கோடி மரங்கள் தயாராகிவிடும். அதனால் நாட்டின் வளமும் பாதுகாக்கப்படும். அவ்வாறு பள்ளிகளில் 2 வருடங்கள் மரங்கள் வளர்த்தால் அந்த மாணவர்களுக்கு 5 மதிப் பெண் வழங்கப்படும். இதுதொடர்பான திட்ட அறிவிப்பு விரைவில் வெளியிடப்படும். இவ்வாறு அமைச்சர் கே.ஏ.செங்கோட்டையன் தெரிவித்தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தனியார் பள்ளிகளில் 25% இடஒதுக்கீட்டில் சேர 41 ஆயிரம் காலியிடம்: அக்.10 வரை விண்ணப்பிக்கலாம்


தனியார் பள்ளிகளில் 25% இடஒதுக்கீட்டில் சேர 41 ஆயிரம் காலியிடம்: அக்.10 வரை விண்ணப்பிக்கலாம் | தனியார் பள்ளிகளில், நலிவடைந்த பிரிவினருக்கான 25 சதவீத இடஒதுக்கீட்டில் இன்னும் 41 ஆயிரம் இடங்கள் காலியாக உள்ளன. இதில் சேர அக்டோபர் 10-ம் தேதி வரை ஆன்லைனில் விண்ணப்பிக்கலாம். மத்திய அரசின் இலவச கட்டாய கல்வி உரிமை சட்டத்தின்படி, தனியார் பள்ளிகளில், நலிவடைந்த பிரிவு மாணவர்களுக்கு நுழைவு வகுப்புகளில்(எல்கேஜி, ஒன்றாம் வகுப்பு) 25 சதவீத இடஒதுக்கீடு வழங்கப்படுகிறது. இந்த சிறப்பு இடஒதுக்கீட்டின்கீழ் சேரும் மாணவர்களுக்கு கல்வி கட்டணத்தை பள்ளி நிர்வாகத்துக்கு அரசு செலுத்திவிடும். அந்த வகையில், மாநிலம் முழுவதும் தனியார் பள்ளிகளில் 25 சதவீத இடஒதுக்கீட்டின் கீழ் ஏறத்தாழ ஒரு லட்சத்து 12 ஆயிரம் இடங்கள் இருக்கின்றன. நடப்பு கல்வி ஆண்டில் 25 சதவீத இடஒதுக்கீட்டு இடங்களில் சேர ஆன்லைன் விண்ணப்ப முறை அறிமுகப்படுத்தப்பட்டது. அதன்படி, 2 கட்டங்களாக நடத்தப்பட்ட ஆன்லைன் சேர்க்கை மூலமாக 83 ஆயிரம் இடங்கள் நிரப்பப்பட்டுவிட்டன. இன்னும் 41 ஆயிரம் இடங்கள் காலியாக உள்ளன. அந்த இடங்களை நிரப்புவதற்காக 3-வது கட்ட மாணவர் சேர்க்கை செப்டம்பர் 11-ம் தேதி தொடங்கியது. இதற்கு விண்ணப்பிக்க காலக்கெடு அக்டோபர் 10-ம் தேதி என நிர்ணயிக்கப்பட்டுள்ளது. இதில் சேர நேற்று நிலவரப்படி 11 ஆயிரம் பேர் ஆன்லைனில் விண்ணப்பித்திருப்பதாக மெட்ரிக்குலேஷன் பள்ளிகள் இயக்குநர் ஏ.கருப்ப சாமி தெரிவித்தார். ஆன்லைனில் (www.dge.tn.gov.in) விண்ணப்பிக்க 10-ம் தேதி வரை அவகாசம் இருக்கிறது. எனவே, இந்த வாய்ப்பை மாணவர்களின் பெற்றோர் பயன்படுத்திக்கொள்ளுமாறு அவர் கேட்டுக்கொண்டுள்ளார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

மூலக்கூறுகளின் செயல்பாடுகளை ஆராய்ந்த 3 அமெரிக்க விஞ்ஞானிகளுக்கு மருத்துவத்துக்கான நோபல் பரிசு


ஜெப்ரி சி ஹால்மைக்கேல் ராஷ்பேஷ்மைக்கேல் டபிள்யூ யங்

மூலக்கூறுகளின் செயல்பாடுகளை ஆராய்ந்த 3 அமெரிக்க விஞ்ஞானிகளுக்கு மருத்துவத்துக்கான நோபல் பரிசு | மருத்துவத்துக்கான நோபல் பரிசுக்கு இந்த ஆண்டு அமெரிக்காவைச் சேர்ந்த 3 பேர் தேர்ந்தெடுக்கப்பட்டுள்ளனர். சுவீடனைச் சேர்ந்த விஞ்ஞானி ஆல்பிரட் நோபல் சிறந்த பொறியாளர், பலவிதமான வெடிபொருட்களை கண்டுபிடித்தவர். பல ஆயுதத் தொழிற்சாலைகளையும் நிறுவியவர். இவருடைய சகோதரர் தொழிற்சாலையில் ஏற்பட்ட வெடிவிபத்தில் இறந்தார். அப்போது, ஆல்பிரட் நோபல் இறந்துவிட்டதாக தவறாக கருதி, 'மரண வியாபாரி மரணம்' என்று செய்திகள் வெளியாயின. இதனால் மனம் வருந்திய ஆல்பிரட் நோபல், தான் சம்பாதித்த பணத்தில் பெரும் தொகையை மனித குல நலனுக்காகப் பாடுபடுபவர்களுக்கு வழங்க வேண்டும் என்று உயில் எழுதி வைத்தார். அதன்படி அவருடைய பெயரில் நோபல் பரிசுகள் வழங்கப்படுகின்றன. மருத்துவம், கலை, அமைதி என பல துறைகளில் சிறந்த பங்களிப்பை வழங்கி வருபவர்களுக்கு ஆண்டுதோறும் நோபல் பரிசு வழங்கப்படுகிறது. இந்த ஆண்டு நோபல் பரிசு அறிவிப்பு நேற்று சுவீடன் தலைநகர் ஸ்டாக்ஹோமில் தொடங்கியது. முதல் நாள் மருத்துவக்கான நோபல் பரிசு பெறுபவர்களின் பெயர்கள் அறிவிக்கப்பட்டன. அமெரிக்காவைச் சேர்ந்த ஜெப்ரி சி ஹால், மைக்கேல் ராஷ்பேஷ் மற்றும் மைக்கேல் டபிள்யூ யங் ஆகிய 3 பேருக்கு மருத்துவத்துக்கான நோபல் பரிசு பகிர்ந்தளிக்கப்படுகிறது. இந்த அறிவிப்பை நோபல் பரிசுக்குழு தலைவர் தாமஸ் பெர்ல்மன் நேற்று வெளியிட்டார். இந்த பூமியில் வாழும் தாவரங்கள், விலங்குகள், மனிதர்கள், பூமியின் சுழற்சி, பரிணாம வளர்ச்சிக்கேற்ப தங்களைத் தகவமைத்துக் கொள்கின்றன. அதற்கு உடலுக்குள் உள்ள உயிர் சக்கரம் (பயலாஜிக்கல் கிளாக்) உறக்கம், உணவு முறை, ஹார்மோன்களை வெளியிடுதல், ரத்த அழுத்தம் போன்றவற்றை கட்டுப்படுத்துவதாக அமைந்துள்ளது. அது எப்படி செயல்படுகிறது, ஒவ்வொரு உயிரையும் பாதுகாக்க மரபணு எப்படி பங்காற்றுகிறது என்பதை இவர்கள் மூவரின் கண்டுபிடிப்புகள் விளக்குகின்றன என்று நோபல் பரிசு குழு கூறியுள்ளது. நோபல் பரிசு தொகை மூன்று விஞ்ஞானிகளுக்கும் பகிர்ந்தளிக்கப்படும். இயற்பியல் துறையில் சிறந்த பங்களிப்புக்கான நோபல் பரிசு இன்று அறிவிக்கப்பட உள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE