NEET UPDATES | நீட் தேர்வு விவகாரத்தில் மத்திய அரசு இன்று (16.08.2017) ஒப்புதல் வழங்கும் என எதிர்பார்க்கப்படுகிறது


நீட் தேர்வு விலக்கு பெற தீவிர முயற்சி அமைச்சர் விஜயபாஸ்கர் டெல்லி விரைந்தார் அவசரச் சட்டத்துக்கு இன்று (16.08.2017) ஒப்புதல்? | நீட் தேர்வில் இருந்து தமிழகத்துக்கு ஓராண்டு விலக்கு பெறுவதற்காக தமிழக சுகாதாரத்துறை அமைச்சர் விஜயபாஸ்கர் டெல்லி விரைந்தார். தமிழக அரசின் அவசரச் சட்டத்துக்கு மத்திய அரசு இன்று ஒப்புதல் அளிக்கும் எனத் தெரிகிறது. நாடு முழுவதும் எம்பிபிஎஸ், பிடிஎஸ் படிப்புகளுக்கு தேசிய தகுதி மற்றும் நுழைவுத் தேர்வு (நீட்) அமல்படுத்தப்பட்டது. தமிழக அரசு எடுத்த முயற்சி காரணமாக, கடந்த ஆண்டு நீட் தேர்வில் இருந்து விலக்கு கிடைத்தது. இதையடுத்து அரசு மருத்துவக் கல்லூரிகள் மற்றும் தனியார் மருத்துவக் கல்லூரிகளில் மாநில அரசு ஒதுக்கீட்டுக்கான எம்பிபிஎஸ், பிடிஎஸ் இடங்களுக்கு பிளஸ் 2 மதிப்பெண் அடிப்படையில் எம்பிபிஎஸ், பிடிஎஸ் படிப்பு களுக்கு மாணவர் சேர்க்கைக்கான கலந்தாய்வு நடைபெற்றது. தனியார் மருத்துவக் கல்லூரிகளின் நிர்வாக ஒதுக்கீட்டு இடங்கள் மற்றும் நிகர்நிலை பல்கலைக்கழகங்களின் இடங்களுக்கு மாணவர் சேர்க்கைக்கான கலந்தாய்வு நீட் மதிப்பெண் அடைப்படையில் நடந்தது. இந்நிலையில் கடந்த ஆண்டை போலவே இந்த ஆண்டும் நீட் தேர் வில் இருந்து ஓராண்டு விலக்கு பெறுவதற்கான அவசர சட்ட மசோதாவை சுகாதாரத்துறைச் செயலாளர் ராதாகிருஷ்ணன் மத்திய உள்துறை அமைச்சகத் திடம் நேற்று முன்தினம் சமர்ப் பித்தார். இந்திய மருத்துவக் கவுன்சில் (எம்சிஐ) விதிகளின்படி எம்பிபிஎஸ், பிடிஎஸ் படிப்பு களுக்கு மாணவர் சேர்க்கைக்கான கலந்தாய்வு வரும் 31-ம் தேதிக்குள் முடித்துவிட வேண்டும். அதனால் ராதாகிருஷ்ணன், தமிழ்நாடு மாநில எய்ட்ஸ் கட்டுப்பாட்டு சங்க திட்ட இயக்குநர் செந்தில்ராஜ், திட்டம் மற்றும் சிறப்பு முயற்சிகள் துறை செயலாளர் கிருஷ்ணன் நீட் தேர்வில் இருந்து ஓராண்டு விலக்கு பெறும் பணியில் தீவிரமாக ஈடுபட்டு வருகின்றனர். இதற்கிடையில் மருத்துவக் கல்வி இயக்ககம் (டிஎம்இ) பிளஸ் 2 மதிப்பெண் அடிப்படையில் மாணவர்களின் தரவரிசைப் பட்டியலை தயாரிக்கும் பணியும் தொடங்கியுள்ளது. ஏற்கெனவே தமிழக அரசு பிறப்பித்த மாநிலப் பாடத்திட்ட மாணவர்களுக்கு 85 சதவீத உள்இடஒதுக்கீடு, சிபிஎஸ்இ உள்ளிட்ட மத்திய பாடத் திட்ட மாணவர்களுக்கு 15 சதவீத உள்இடஒதுக்கீடு அரசாணையின் படி தரவரிசைப் பட்டியல் தயா ரிக்கப்பட்டது. இந்த அரசாணை செல்லாது என்று சென்னை உயர்நீதிமன்றமும், உச்சநீதிமன்ற மும் தீர்ப்பளித்தது. அதனால் அந்த தரவரிசைப் பட்டியல் பயன்படுத்த முடியாத நிலை ஏற்பட்டது. அதன்பின் நீட் தேர்வு மதிப்பெண் அடிப்படையில் தரவரிசைப் பட்டியல் தயாரிக்கப்பட்டது என்பது குறிப்பிடத்தக்கது. இந்நிலையில் தமிழக அரசின் அவசரச் சட்டத்துக்கு ஒப்புதல் பெறும் முயற்சியாக தமிழக சுகாதாரத்துறை அமைச்சர் விஜயபாஸ்கர் டெல்லி விரைந்துள்ளார். இந்த விவகாரத்தில் மத்திய அரசு இன்று ஒப்புதல் வழங்கும் என டெல்லி வட்டாரங்கள் தெரிவிக்கின்றன.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழ்நாட்டுக்கு நீட் தேர்வில் இருந்து இந்த ஆண்டு விலக்கு தமிழக அரசின் அவசர சட்ட வரைவு மத்திய அரசிடம் தாக்கல்


தமிழ்நாட்டுக்கு நீட் தேர்வில் இருந்து இந்த ஆண்டு விலக்கு தமிழக அரசின் அவசர சட்ட வரைவு மத்திய அரசிடம் தாக்கல் | நீட் தேர்வுக்கு இந்த ஆண்டு மட்டும் விலக்கு அளிப்பதற்கான தமிழக அரசின் அவசர சட்ட வரைவு மத்திய உள்துறை அமைச்சகத்தில் தாக்கல் செய்யப்பட்டது. முதல்வர் ஆலோசனை மருத்துவ படிப்புக்கான 'நீட்' தேர்வில் இருந்து தமிழகத்துக்கு இந்த ஆண்டு மட்டும் விலக்கு அளிக்க மத்திய அரசு தயாராக இருப்பதாக மத்திய மந்திரி நிர்மலா சீதாராமன் தெரிவித்தார். அவரது அறிவிப்பை தொடர்ந்து முதல்-அமைச்சர் எடப்பாடி பழனிசாமி, சுகாதாரத்துறை அமைச்சர் விஜயபாஸ்கர் ஆகியோர் அவசர ஆலோசனை மேற்கொண்டு 'நீட்' தேர்வில் இருந்து தமிழக மாணவர்களுக்கு விலக்கு அளிக்க கோரும் அவசர சட்ட மசோதாவின் வரைவை உடனடியாக மத்திய அரசிடம் தாக்கல் செய்வது என்றும், இதற்காக தமிழகத்தில் இருந்து ஐ.ஏ.எஸ். அதிகாரிகளை டெல்லிக்கு அனுப்புவது என்றும் தீர்மானித்தனர். இதனடிப்படையில் தமிழக அரசின் சுகாதாரத்துறை செயலாளர் டாக்டர் ஜெ.ராதாகிருஷ்ணன் டெல்லி சென்றார். பகல் முழுவதும் உள்துறை அமைச்சகத்திலேயே நேரத்தை செலவிட்ட ராதாகிருஷ்ணன், உள்துறை அமைச்சகத்தின் மூத்த அதிகாரிகளை சந்தித்து அவர்கள் கேட்ட அனைத்து ஆவணங்களையும் ஒவ்வொன்றாக தாக்கல் செய்தார். பிறகு வெளியில் வந்த டாக்டர் ஜெ.ராதாகிருஷ்ணன் நிருபர்களிடம் கூறியதாவது:- கிராமப்புற மாணவர்கள் குறித்த புள்ளிவிவரம் உள்பட மத்திய உள்துறை அமைச்சக அதிகாரிகள் கேட்ட அனைத்து ஆவணங்களையும் முறையாக தாக்கல் செய்திருக்கிறோம். அவசர சட்டத்தின் வரைவையும் அளித்திருக்கிறோம். இதன் மீது மத்திய அரசு அதிகாரிகள் ஆவன செய்வதாக உறுதி அளித்து இருக்கிறார்கள். கூடிய விரைவில் இது ஒப்புதல் அளிக்கப்பட்டு அவசர சட்டமாக நிறைவேறும். இதற்கான காலக்கெடு குறிப்பிட்டு இத்தனை நாட்கள் என்று சொல்வது கடினம். ஆனால் எத்தனை விரைவாக முடியுமோ அத்தனை விரைவில் தமிழக அரசின் அவசர சட்டத்துக்கான வரைவின் மீது தேவையான நடவடிக்கை எடுக்கப்பட்டு ஒப்புதல் வழங்கப்படும் என்று உறுதியாக நம்புகிறோம். தமிழக மாணவர்கள் பாதிப்பு அடையக்கூடாது என்பதற்காக தமிழக முதல்வர் அதிகாரிகளாகிய எங்களை இந்த பணிக்காக பணித்து அனுப்பி இருக்கிறார். இவ்வாறு அவர் கூறினார். தமிழ்நாடு அரசு, மத்திய அரசிடம் தாக்கல் செய்துள்ள அவசர சட்ட வரைவில் இடம்பெற்றுள்ள சில முக்கியமான அம்சங்கள் வருமாறு:- தமிழ்நாட்டை பொறுத்தவரை மருத்துவ படிப்புக்கான சேர்க்கை ஏன் தனித்துவம் மிக்கது என்றும், பிற மாநிலங்களின் மருத்துவ படிப்புக்கான சேர்க்கையுடன் அதனை எப்படி ஒப்பிட முடியாது என்பதை விளக்கும் வகையில் சில அம்சங்கள் என்னவென்றால், 1. பிற மாநிலங்களில் அந்தந்த மாநிலங்களின் நுழைவுத்தேர்வுகள் உள்ளன. ஆனால் தமிழ்நாட்டில் மட்டுமே பிளஸ்-2 தேர்வில் மாணவர்கள் பெற்ற மதிப்பெண்களின் அடிப்படையில் மருத்துவ படிப்புக்கான சேர்க்கை நடத்தப்படுகிறது. 2. தமிழ்நாட்டில் கடந்த கல்வியாண்டில் தேர்ச்சி பெற்று மருத்துவம் மற்றும் பல் மருத்துவ படிப்புக்கு விண்ணப்பிக்க தகுதி பெற்ற மாணவர்களில் 98 சதவீதம் பேர் மாநில பாட திட்டத்தில் பயின்ற மாணவர்கள் ஆவர். 3. தமிழ்நாட்டில் நீட் தேர்வில் பங்கேற்ற மாணவர்களில் 95 சதவீதம் பேர் மாநில பாடத்திட்டத்தில் பயின்றவர்கள். பாடத்திட்டத்தில் மாற்றம் செய்ய இயலாது 4. இந்திய மருத்துவ கவுன்சில், நீட் தேர்வை நடத்துவதற்கான பாடத்திட்டத்தை வகுப்பதை சி.பி.எஸ்.இ. நிறுவனத்திடம் ஒப்படைத்ததே வேறு பாடத்திட்டங்களில் பயிலும் மாணவர்களுக்கு பின்னடைவை ஏற்படுத்தியுள்ளது. 5. எந்த பாடத்திட்டத்திலும் உடனடி மாற்றம் செய்ய இயலாது. அடிப்படை வகுப்புகளில் இருந்து இந்த மாற்றத்தை படிப்படியாக செயல்படுத்த வேண்டும். இவ்வாறு தமிழக அரசு தாக்கல் செய்த ஆவணங்களில் கூறப்பட்டுள்ளது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

சி.பி.எஸ்.இ. பாடத்திட்டத்தை படித்தால் ஐ.ஏ.எஸ். தேர்வில் எளிதில் வெற்றி பெற முடியும் சிறைத்துறை கூடுதல் டி.ஜி.பி., சைலேந்திரபாபு தகவல்


சி.பி.எஸ்.. பாடத்திட்டத்தை படித்தால் ..எஸ். தேர்வில் எளிதில் வெற்றி பெற முடியும் சிறைத்துறை கூடுதல் டி.ஜி.பி., சைலேந்திரபாபு தகவல் | சி.பி.எஸ்.. பாடத்திட்டத்தை படித்தால் ..எஸ். தேர்வில் எளிதாக வெற்றி பெற முடியும் என்று சிறைத்துறை கூடுதல் டி.ஜி.பி. சி.சைலேந்திரபாபு கூறினார். போட்டித்தேர்வுகள் சென்னை கோட்டூர்புரத்தில் உள்ள அண்ணா நூற்றாண்டு நூலகத்தில் சிவில் சர்வீஸ் தேர்வு எழுதும் மாணவர்களுக்காக ஒவ்வொரு ஞாயிற்றுக்கிழமைகளிலும் 'போட்டி தேர்வுகளை எதிர்கொள்வது எப்படி'? என்பது குறித்து அனுபவம் மிகுந்தவர்களை அழைத்து ஆலோசனை வழங்கும் நிகழ்ச்சி நடந்து வருகிறது. அந்தவகையில் நேற்று நடந்த நிகழ்ச்சியில் தமிழக சிறைத்துறை கூடுதல் டி.ஜி.பி., சி.சைலேந்திரபாபு கலந்துகொண்டு போட்டி தேர்வு எழுத இருக்கும் மாணவர்களுக்கு ஆலோசனைகளை வழங்கியதுடன், மாணவர்களிடம் கேள்விகளை கேட்டு அவர்களுக்கு தான் எழுதிய நூல்களை பரிசாகவும் வழங்கினார். அப்போது அவர் பேசியதாவது:- ..எஸ்., .பி.எஸ். தேர்வை பட்டப்படிப்பு முடித்த யார் வேண்டுமானாலும் எழுதலாம். கிரிக்கெட், சினிமா உள்ளிட்ட எந்த சிந்தனையும் இல்லாமல் 2 ஆண்டுகள் முழுமனதுடன் படிக்க வேண்டும். தேர்வில் 70 சதவீத கேள்விகள் தினசரி நாளிதழ்களில் வெளியாகும் செய்திகளில் இருந்து தான் கேட்கப்படுகிறது. எனவே தினசரிமணி நேரம் செய்தித்தாள் கண்டிப்பாக படிக்க வேண்டும். தமிழ் மொழியில் தேர்வு எழுதலாம் என்றாலும் ஆங்கில அறிவு என்பது மிக முக்கியமாக தேவைப்படுகிறது. குறிப்பாக சி.பி.எஸ்.. கல்வித்திட்டத்தில் 10-ம் வகுப்பு வரை உள்ள அனைத்து பாடபுத்தகங்களையும் வாங்கி படிக்க வேண்டும். நேர்மையான இளைஞர்களின் பங்களிப்பு அரசு பொறுப்புகளுக்கு தேவைப்படுவதால், அனைவரும் வெற்றி பெற வாழ்த்துகளை கூறிகொள்கிறேன். இவ்வாறு அவர் பேசினார். முன்னதாக நூலகர் காமாட்சி வரவேற்றார். மாணவர்கள் மற்றும் பெற்றோர் பலரும் கலந்து கொண்டனர். நூலகர் ஜெயஸ்ரீ நன்றி கூறினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

TNEA 2017 | தமிழ்நாடு பொறியியல் சேர்க்கை 2017 | B.E-B.TECH-2017 பட்ட படிப்பு மாணவர் சேர்க்கைக்கான துணை கலந்தாய்வில் கலந்துகொள்ள விண்ணப்பிக்க வேண்டிய நேரமிது...விண்ணப்பிக்க வேண்டிய நாள் 16.08.2017 கலந்தாய்வு நாள் 17.08.2017

TNEA 2017 | தமிழ்நாடு பொறியியல் சேர்க்கை 2017 | B.E-B.TECH-2017 பட்ட படிப்பு மாணவர் சேர்க்கைக்கான துணை கலந்தாய்வில் கலந்துகொள்ள விண்ணப்பிக்க வேண்டிய நேரமிது...விண்ணப்பிக்க வேண்டிய நாள் 16.08.2017 கலந்தாய்வு நாள் 17.08.2017

விரிவாக படிக்க இங்கே கிளிக் செய்யுங்கள் | READ MORE | CLICK HERE

MINORITY SCHOLARSHIPS 2017-2018 | இந்திய அரசு -சிறுபான்மை விவகாரங்கள் அமைச்சகம் வெளியிட்டுள்ள பிரி மெட்ரிக், போஸ்ட் மெட்ரிக் , மெரிட் கம் மீன்ஸ் அடிப்படையில் ஸ்காலர்ஷிப் திட்டங்கள் 2017-2018...விரிவான விவரங்கள்...

இந்திய அரசு -சிறுபான்மை விவகாரங்கள் அமைச்சகம் வெளியிட்டுள்ள பிரி மெட்ரிக், போஸ்ட் மெட்ரிக் , மெரிட் கம் மீன்ஸ் அடிப்படையில் ஸ்காலர்ஷிப் திட்டங்கள் 2017-2018...விரிவான விவரங்கள்... 

விரிவாக படிக்க இங்கே கிளிக் செய்யுங்கள் | READ MORE | CLICK HERE

நீட் தேர்வில் தமிழகத்திற்கு ஓராண்டு விலக்கு அளிக்கும் அவசர சட்டத்திற்கான முன்வரைவு நாளை மத்திய அரசிடம் வழங்கப்படும் என தமிழக சுகாதார அமைச்சர் விஜயபாஸ்கர் கூறியுள்ளார்.


நீட் தேர்வில் தமிழகத்திற்கு ஓராண்டு விலக்கு அளிக்கும் அவசர சட்டத்திற்கான முன்வரைவு நாளை மத்திய அரசிடம் வழங்கப்படும் என தமிழக சுகாதார அமைச்சர் விஜயபாஸ்கர் கூறியுள்ளார். நீட் தேர்வில் இருந்து, தமிழக அரசு கல்லூரிகளுக்கு ஓராண்டு விலக்கு அளிக்க மத்திய அரசு ஒத்துழைப்பு வழங்கும் என மத்திய அமைச்சர் நிர்மலா சீதாராமன் கூறியிருந்தார். இதனையடுத்து முதல்வர் பழனிசாமியுடன், தமிழக சுகாதாரத்துறை அமைச்சர் விஜயபாஸ்கர் அவசர ஆலோசனை நடத்தினார். பின்னர் அவர் நிருபர்களுக்கு அளித்த பேட்டி: நீட் தேர்வில் ஓராண்டு விலக்கு அளிக்கும் அவசர சட்டத்திற்கான முன்வரைவு நாளை காலை மத்திய உள்துறை அமைச்சகத்திடம் வழங்கப்படும். சட்டத்திற்கு நிச்சயம் ஒப்புதல் பெற்று விடுவோம் என்ற நம்பிக்கை உள்ளது. மாணவர்களுக்கு மகிழ்ச்சி அளிக்கும் தகவலை நிர்மலா சீதாராமன் வெளியிட்டுள்ளார். இதற்காக அவருக்கு நன்றி தெரிவித்து கொள்கிறேன். எந்த சட்ட சிக்கலும் ஏற்படாத வகையில் மத்திய அரசு ஆலோசித்து, நடவடிக்கை எடுத்துள்ளது. அடுத்த ஆண்டு குழப்பம் ஏற்படாத வகையில் நீட் விவகாரத்தில் தமிழக அரசு திடமான முடிவு எடுக்கும். எந்த சூழ்நிலையிலும் தமிழக அரசுக்கு எதிராக மத்திய அரசு கூறவில்லை. கடந்த ஆண்டு நடந்தது போல், இந்த ஆண்டும் மருத்துவ மாணவர் சேர்க்கை நடக்கும் என நம்புகிறேன். சுகாதார செயலர் உள்ளிட்ட 3 ..எஸ்., அதிகாரிகள் இன்று மாலை டில்லி செல்ல உள்ளனர். ஓராண்டு விலக்கு பெற மிக மிக விரைவான நடவடிக்கை எடுக்கப்படும். ஓராண்டுக்கு நீட் தேர்வில் மிக விரைவில் விலக்கு பெற முடியும். இவ்வாறு விஜயபாஸ்கர் கூறினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

மாணவர்கள் போட்டித் தேர்வுகளை எழுத 450 மையங்களில் பயிற்சி அமைச்சர் கே.ஏ.செங்கோட்டையன் தகவல்


மாணவர்கள் போட்டித் தேர்வுகளை எழுத 450 மையங்களில் பயிற்சி அமைச்சர் கே..செங்கோட்டையன் தகவல் | ..டி. உள்ளிட்ட போட்டித் தேர்வுகளை எழுத 450 மையங்களில் மாணவர்களுக்கு பயிற்சி அளிக்கப்படும் என்று கல்வித்துறை அமைச்சர் கே..செங்கோட்டையன் தெரிவித்தார். நீலகிரி மாவட்டத்தில் எம்.ஜி.ஆர். நூற்றாண்டு விழா நடத்துவது குறித்த ஆலோசனை கூட்டம் ஊட்டியில் உள்ள தமிழகம் மாளிகையில் நேற்று நடைபெற்றது. இதில் கலந்துகொள்வதற்காக வந்த பள்ளி கல்வித்துறை அமைச்சர் கே..செங்கோட்டையன் நிருபர்களுக்கு பேட்டி அளித்தார். அப்போது அவர் கூறியதாவது:- பள்ளி மாணவர்களின் எதிர்காலத்தை கருத்தில் கொண்டு பள்ளி கல்வித்துறையில் பல்வேறு மாற்றங்கள் கொண்டுவரப்பட்டு உள்ளது. நடப்பு ஆண்டு முதல் பிளஸ்-1 பொதுத்தேர்வு கொண்டுவரப்படுகிறது. பிளஸ்-2 பொதுத்தேர்வில் மாணவர்கள் இடையே எழும் மன அழுத்தத்தை போக்கும் வகையில், தேர்வு எழுதும் நேரம் 3 மணியில் இருந்துமணி நேரமாக குறைக்கப்பட்டு உள்ளது. பிளஸ்-2 பொதுத்தேர்வில் ஏதேனும் ஒரு பாடப்பிரிவில் தோல்வி அடையும் மாணவர்கள் அதே பள்ளியில் தொடர்ந்து படித்து ஜூன் மாதம் நடைபெறும் தேர்வில் கலந்துகொண்டு வெற்றி பெற்று மேற்கல்வியை தொடர முடியும். பிளஸ்-1 மற்றும் பிளஸ்-2 வகுப்புகளுக்கு புதிய பாடத்திட்டம் உருவாக்கப்பட உள்ளது. இதில் தமிழகத்தின் தொன்மையும், பழமையும் மாறாமல் இருக்கும். தமிழகத்தில் கழிப்பறை வசதிகள் இல்லாத அரசு மற்றும் அரசு உதவி பெறும் பள்ளிகளில் தனியார் அமைப்புகளுடன் இணைந்து 10 ஆயிரம் கழிப்பறைகள் கட்ட நடவடிக்கை எடுக்கப்படும். 3 ஆயிரம் பள்ளிகளில் ஸ்மார்ட் வகுப்புகள் தொடங்கப்பட உள்ளன. அதில் ஒவ்வொரு ஸ்மார்ட் வகுப்புக்கும் ரூ.2 லட்சம் வழங்கப்படுகிறது. இதில் கணினி, ஒளித்திரை போன்ற நவீன தொழில்நுட்ப வசதிகள் மூலம் மாணவர்களுக்கு சிறந்த கல்வி அளிக்கப்படும். மாணவர்கள் ..டி. உள்ளிட்ட போட்டித் தேர்வுகள் எழுதும் வகையில் 450 மையங்களில் பயிற்சி கொடுக்கப்படும். நீட் தேர்வை தமிழகத்தில் ரத்து செய்யக்கோரி, முதல்-அமைச்சர் எடப்பாடி பழனிசாமி பிரதமர் மோடியை 4 முறை சந்தித்து உள்ளார். இதற்கான சட்டமும் இயற்றப்பட்டு மத்திய அரசுக்கு அனுப்பப்பட்டு உள்ளது. நீட் தேர்வை ரத்துசெய்ய தொடர்ந்து அழுத்தம் கொடுத்து வருகிறோம். மத்திய அரசின் அனைவருக்கும் கல்வி இயக்க திட்டத்தின் கீழ் இந்த நிதியாண்டில் ரூ.640 கோடி நிதி பெற நடவடிக்கை எடுக்கப்பட்டு உள்ளது. மாதம் ரூ.7,500 சம்பளம் பெறும் வகையில் தற்காலிக ஆசிரியர்கள் பள்ளிகளில் நியமிக்கப்பட உள்ளனர். இவ்வாறு அவர் கூறினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தற்போதைய பாடத்திட்டம் எப்படி உள்ளது? கடுமையாக சாடும் குழுத் தலைவர் ஆனந்தகிருஷ்ணன்


தற்போதைய பாடத்திட்டம் எப்படி உள்ளது? கடுமையாக சாடும் குழுத் தலைவர் ஆனந்தகிருஷ்ணன் | அடிப்படை அறிவே இல்லாத நிலையில் தமிழக அரசின் தற்போதைய பள்ளிப் பாடத்திட்டம் உள்ளது என்று மாநில கல்விப் பாடத்திட்டத்தின் மாற்றியமைக்கும் குழுவின் தலைவர் ஆனந்தகிருஷ்ணன் கூறியுள்ளார். செய்தியாளர்களிடம் பேசிய அவர், மாணவர்களின் தன்னம்பிக்கையை வளர்க்கும் வகையில் புதிய பாடத்திட்டம் உருவாக்கப்படும். புதிய பாடத்திட்டத்தில் தொழிற்கல்விக்கு முக்கியத்துவம் கொடுக்கப்படும். இன்றைய படத்திட்டம் மாணவர்களுக்கும், ஆசிரியர்களுக்கும் ஏமாற்றம் தரும் வகையிலேயே உள்ளது. ஒரு பாடத்தில் கேள்வி பதில்கள் கொடுக்கப்பட்டு, இதை மட்டும் படித்தால் போதும் என்று கூறிவிட்டதால் அடிப்படை அறிவே இல்லாத வகையில் உள்ளது என்று கூறினார். தமிழகத்தில் மாநில அரசின் கல்விப் பாடத்திட்டத்தை மாற்றியமைக்கும் குழுவின் தலைவராக அண்ணா பல்கலைக்கழக முன்னாள் துணைவேந்தர் மு.ஆனந்தகிருஷ்ணன் நியமிக்கப்பட்டுள்ளார். முன்னதாக இந்த பணி குறித்து அவர் கூறியதாவது, புதிய பாடத்திட்டக் குழுவில் பத்து உறுப்பினர்கள் இடம் பெற்றுள்ளனர். சென்னையில் உறுப்பினர்களிடையேயான கலந்தாய்வுக் கூட்டம் இருமுறை நடந்துள்ளது. பிறகு பொதுமக்களிடம் கருத்தறியும் கூட்டம் மதுரையில் தான் முதலில் நடத்தப்பட்டது. அடுத்ததாக கோவை, தஞ்சை, சென்னையில் நடத்தப்படுகிறது. கூட்டங்கள் முடிந்த பின்னர் அறிக்கை தயாரிக்கப்பட்டு அரசிடம் அளிக்கப்பட உள்ளது. பள்ளிப் பாடத்திட்டங்களில் மிகப்பெரிய மாற்றங்களை மேற்கொள்ள வேண்டிய அவசியம் தற்போது ஏற்பட்டுள்ளது. 12 ஆண்டுகள் பள்ளியில் மாணவ, மாணவியர் பயிலும் நிலையில், சமூகத்தில் ஏற்படும் அரசியல், பொருளாதார மாற்றங்களுக்கு ஏற்ப அவர்கள் தயாராவது அவசியம். பாடத்திட்டத்தை மாற்றும்போது ஆசிரியர்களுக்கும் சிறப்புப் பயிற்சிகள் வழங்கப்படவேண்டும். பாடத்திட்டம் தயாரிப்பதுடன், அதை செயல்படுத்துவதற்கான உள்கட்டமைப்புகளையும், தொழில்நுட்பங்களையும் பள்ளிகளில் ஏற்படுத்துவது அவசியம். மொழி, அறிவியல், கணினி என அனைத்து பாடங்களிலும் அடிப்படை அறிவை மாணவர்கள் சரியாக பெறும் வகையிலும் பாடத்திட்டத்தை அமைக்கவேண்டியுள்ளது. தமிழகத்தில் வரும் கல்வியாண்டு முதல் (2018-19) 1, 6, 9 மற்றும் 11 ஆகிய வகுப்புகளுக்குப் புதிய பாடத்திட்டம் செயல்படுத்தப்படவுள்ளது. அதற்கான புத்தகங்கள் தயார் செய்தல், அவற்றுக்கான பயிற்சியை ஆசிரியருக்கு அளித்தல் ஆகிய பணிகளும் நடைபெறவுள்ளன. அடுத்த 12 ஆண்டுகளுக்கான தொலைநோக்கோடு இந்தப் பாடத்திட்டம் தயாரிக்கப்படும். பள்ளிப் பாடத்திட்டங்களில் பொறியியல் பாடமும் சேர்க்கப்படும் என்றார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE